كيف لوفي يهزم تيتش (شطحه)

 

بما اني سحبت لوقت طويل، فقلت ارجع بشي شاطح جداً ؛^؛ لكن للتذكير، الكلام فيه حرق لمانجا ون بيس، يفضل تجنبه في حال ما تبغا ينحرق عليك.

المهم، بعد ما انتهى ارك وانو بهزيمة كايدو، طلع العديد من الكلام وقتها عن كايدو هل هو يستحق لقب اقوى مخلوق؟ هل الخصوم الي بعده اقوى منه؟ والخ من المقارنات و الكلام، خصوصاً مع تيتش بما انه احد اهداء لوفي في الاركات القادمة، أنا هنا رأيي مختلف. انا اشوف بالنسبة لي، كليدو و تيتش نفس القوة، ولكن طريقة هزيمتهم تختلف. الفرق ليس بالقوة، بل بالطريقة في هزيمتهم لان كل واحد بين تيتش و كايدو طريقة قالهم تختلف، وهنا طلعت شرحتي الأكبر؛^؛ بيكون بعد دا الكلام شرح كثير لأمور تخص بوكيمون، فأتمنى انكم تفهموا.

شي اضافي، لما اتكلم عن الهاكي فانا اتكلم عن الهاكي الملكي، للتوضيح فقط..

–

في بوكيمون، الحركات او الهجمات فيها ينقسم لثلاثة اقسام، حركات Physical، حركات Special، وحركات Status. لكن تركيزي فدا الموضوع بيكون على الفيزيكال والسبيشال.

شي تاني، في بوكيمون في كمان الاحصائيات او الStats وهي ستة، HP ، Attack ، Defense ، Sp. Attack ، Sp. Defense ، Speed .

وهي تأثر في قوة البوكيمون او قدرة تحمله للضرر، لكن بحاول اشرح بشكل ابسط.

الضربات الفيزيكال: تتسبب في الضرر اعتمادًا على كل من الاتاك للبوكيمون المهاجم والديفينس لبوكيمون المدافع.

الضربات الفيزيكال لما يكون في تلاحم جسمين لبعض، لما تضرب بيدك، أو برجلك، أو بأداء معينة، يكون في جسمين يتصادموا ويتلامسوا هنا تكون الضربة فيزيكال، زي 

(Blaze Kick / Body Slam / Bone Rush / Brave Bird) وغيرها

الضربات السبيشال: تتسبب في ضرر اعتمادًا على السبيشال اتاك للبوكيمون المهاجم والسبيشال ديفينس للبوكيمون المدافع.

الضربات السبيشال لما تستدعي او تستخدم طاقة وتهجم بيها او تضرب بيها الخصم بدون ما يكون في تلامس، زي 

(Aura Sphere / Aurora Beam / Blizzard / Charge Beam) وغيرها

وطبعا انا سويت إحصائيات وهمية -غير حقيقية- لكايدو و تيتش، فقط علشان أوضح الموضوع، مو شي جدي فعلي.

كل واحد منهم يعتمد في قاتله من الي ظهر في الأحداث حقتهم على أساليب مختلفة، ودا يخلي كل واحد منهم بنقاط قوة و ضعف مختلفة. في الاحصائيات حقت كايدو، خليت السبيشال ديفينس حقه قليل بحكم انه يتضرر بالهاكي، والهاكي عبارة عن طاقة تقدر تطلقها على الي ضدك، زي ما تستخدم ضربة سبيشال في بوكيمون، تستخدم طاقة علشان تضر الخصم، تضرب ضربة سبيشال لما يكون البوكيمون الي ضدك السبيشال ديفينس حقه قليل علشان تسبب له ضرر اكبر.

لوفي قبل كان يضرب كايدو بضربات ما تأثر بيه لانه ما كان يستخدم هاكي، فنقدر نقول ضربات لوفي هذي كانت ضربات فيزيكال لانه كان يستخدم قوته بدون الهاكي، وبالنسبة لكايدو ما تأثر فيها لان الديفينس حقه عالي، لكن لوفي لما بدأ يستخدم الهاكي ويضرب بيه كايدو، كان كايدو يتضرر منه كثير، والهاكي طاقة يطلقها الشخص فزي ما قلت قبل، استخدام الهاكي زي استخدام الضربات السبيشال، زي هنا

لكن تيتش عكس كايدو، بسبب قدرات الفواكه الي عنده فالسبيشال ديفينس حقه أعلى من كايدو، لكن بسبب فاكهة الظلام يصير الضرر الي يتلقاه بجسمه أعلى ودا زي لما يكون الديفينس قليل، في قتال تيتش و ايس، ايس لما ضرب تيتش وجات الضربة عليه انسدح من الألم و تألم كثير، فنقدر نقول انه بالفعل، الديفينس عند تيتش قليل.

وهنا بتكون المعركة، لوفي هزم كايدو بالهاكي وايقاظ الفاكهة الي خلاه يطلق هاكي بشكل كبير، لكن مع تيتش لازم يستخدم قوته وضربات جسدية اقوى مع الايقاظ علشان يأثر عليه و يهزمه.

–

علشان اسوي زي مخلص في حال كلامي الي قبل كان غبي ومو واضح

الهاكي = الضربات السبيشال

الضربات العادية و اللكمات والخ = الضربات الفيزيكال

كايدو نقطة ضعفه الهاكي لان السبيشال ديفينس حقه قليل

تيتش نقطة ضعفه الضربات الفيزيكال لان الديفينس حقه قليل

–

وبس ؛^؛

ادري انه يمكن كل دا الكلام غبي وماله داعي، بس قلت ابغا اجرب انه نظرية و توقع. لا اكثر ؛^؛ وعادي لو اطلع غلط انا بس مستانس بدا الشي

وادري في ثغرات لبكره، بس عواي ابغا اشطح