رأيي بأنمي Munou na Nana

 

يوو~ موضوع جديد عن انمي جديد ؛^؛


انمي كان، كان ممكن اتكلم عنه من قبل لكني تكاسلت شويه.

لكن دا انمي حلو، فقلت لازم اتكلم عنه شويه.

--

الانمي مكون من 13 حلقة وقصته بشكل مختصر عن مجموعة طلاب عندهم قدرات خارقة محطوطين في جزيرة علشان يتعلموا ويتدربوا علشان يهزموا "عدو البشرية".

لكن القصة كلها تتغير بعد الحلقة الحلقة الاولى، ويصير الانمي كله تحقيق.

--

الانمي ما كنت اعرفه من قبل وما كنت ادري عنه لكن لاني كنت متابع شخص في تويتر وهو بدأ يترجمه فشفته منه، ولا انا ما كنت اعرفه قبل.

--

لكن الانمي جيد جداً، الحلقة الاولى شويه كانت عادية ومتوقعه لكنها شدتني بشكل يخليني انشد للحلقات الي بعدها بشدة.

الانمي كان يوتر مع الوقت وكنت احس بقلق في كل حلقة.

في اشياء ضايقتني صراحة في الانمي لكن ما اقدر اتكلم عنها لانها بتكون حرق، لكن فيه اشياء مو حلوة واشياء تقهر ومزعجة.

رسمه وتحريكه عادي، مو سيء ولا هو احسن شي، لكن في بعض الاحيان كنت احس ان الرسم يكون ضعيف شويه، او رسم بعض الشخصيات في بعض المشاهد ما يكون كويس مره.

--

في الأخير، الانمي اشوفه حلو مره وانصحكم فيه، اعطيه يمكن (7/10) حلو واحداثه حماس لكن احياناً يكون فيه اشياء تقهر. لكنه كويس بشكل عام.

الحلقة الاخيرة احداثها تبين انه يمكن يكون في تكملة للانمي، موسم تاني او شي زي كدا، وانا اتمنى دا الشي لانه في اشياء كتير لسه ما طلعت.

--

ويب، كدا خلصنا دا الانمي، واتمنى انه دي المراجعة كانت كويسه ومو طويلة ؛^؛ مع انه كان عندي كلام كتير اقوله لكن ما كنت ابغا احرق.

اتمنى تشوفوه ويعجبكم، وشكراً لكم واتمنى الدعم منكم~