نينتيندو سويتش لايت والجمهور المستهدف

-


يوو~ مرحباً *^*!


موضوع جديد ابغا اناقشكم عنه


موضوع جهاز "نينتيندو سويتش لايت" اعرف الموضوع له فترة ويمكن انا اخر واحد يتكلم عنه، لكن ابغا اعطيكم رأيي ؛^؛


ايش هو نينتيندو سويتش لايت؟ ايش يفرق عن العادي؟ وهل هو جيد؟ ومين الجمهور المستهدف؟


فخلينيي ما أطول كلام ونبدأ بالموضوع~


-----


أول شي: ايش هو "نينتيندو سويتش لايت"؟


في يوم 10 من شهر July لسنة 2019 نينتيندو أعلنت وبشكل مفاجئ عن الفرد الجديد من عائلة السويتش، نينتيندو سويتش لايت،

مع ان نينتيندو ما تكلمت قبل عنه أبداً ولكن كان في شائعات كتيرة منتشرة عن نية نينتيندو في صنع نسخ مختلفة من جهازها السويتش


-----


تاني شي: ايش يفرق عن النسخة العادية؟


طبعاً في فرق بين نسخة اللايت والنسخة العادية لكن خليني أذكر هنا نسخة اللايت:



  1. عدم القدرة على إصاله بالتلفاز. 
  2. الجهاز قطعة واحدة، أي لا يوجد Joy-Con يمكن فصله. 
  3. من الجهة اليسرى، توجد الأسهم بشكلها العادي المعروف في أي جهاز تحكم. 
  4. لا توجد قطعة في الخلف لتثبيت الجهاز. 
  5. لا يوجد IR Motion Camera. 
  6. لا يوجد HD Rumble. 
  7. القدرة على اللعب في الوضع المحمول فقط. 
  8. حجمه أصغر من النسخة العادية بقليل. 
  9. شاشة أصغر قليلاً. 
  10. بطارية بعمر أطول قليلاً -من 3 إلى 7 ساعات تقريباً-. 






-كتبت بالفصحى لاني ما عرفت كيف بجيبها بالعامي ؛^؛💔-


تقريباً دي اهم الاشياء الي تفرق السويتش لايت عن العادي.


-----


أخر شي: هل هو جيد؟ ومين الجمهور المستهدف؟


بالنسبة لي، جهاز حلو. صح ما فيه الأشياء الي تميز السويتش الي نعرفه،

زي فصل الجوي-كون بشكل منفصل وتلعب بيه في وضع الطاولة،

أو توصله بشاشة عندك ويصير جهاز منزلي وتشله بعدين ويصير محمول،

وحتى لو بتلعب بيه العاب جماعية على نفس الجهاز لازم تشتري جوي-كون زيادة وتوصله بيه.


لكنه مو جهاز سيء أبداً. اشوفه جهاز مناسب للاشخاص الي ما يلعبوا العاب جماعية ويفضلوا يلعبوا لوحدهم،

يعني تقدر تقول انه لو تفضل تلعب ألعاب جماعية مع أصحابك أو أهلك وتبغا تلعب لوحدك بعدين اشتري النسخة العادية،

وإذا تفضل تلعب لوحدك فقط وتكتفي بألعاب الأونلاين فخد نسخة اللايت.


-----


نينتيندو سويتش لايت بيكون متوفر في يوم 20 من شهر September الحالي،

وبيكون متوفر بتلاته ألوان وهي "الأصفر، الرمادي، والتركواز" وبيكون بسعر 199.99$ دولار.


-----


في الختام، أتمنى ما أكون ثرثرت كتير °^°؛ مع اني اشك بكدا.


الهدف من دا كله مجرد تذكير ومراجعة سريعة قبل صدور الجهاز.



والأن، أراكم لاحقاً~


تعليقات

إرسال تعليق

المشاركات الشائعة من هذه المدونة

رأيي بأنمي Kamisama ni Natta Hi

-
صورة
  هيي هيي هييي~ عدت مجدداً☆ ومع انمي، حلو وقصير. الانمي دا نزل من فترة وهو خلص من فترة كمان لكن انا الي تكاسلت ما نزلت شي عنه ؛^؛ عرفت الانمي دا بطريقة تشبه الانمي الي قلت عنه قبل، شفته بسبب مترجم اتابعه بتويتر، تجاهلته في البداية لكن شفت له مدح من الناس فقلت اشيك عليه بنفسي. -- الانمي يعتبر قصير، مكون من 12 حلقة وقصته بشكل مختصر عن واحد ولد تطلع عنده بنت غريبة بملابس غريبة، تقول له بعدين انها اله وان العالم بينتهي بعد 30 يوم. -- انمي مع قصة زي كدا المفروض يخلي الوضع، توتر، كيف بينتهي العالم؟ مين دي البنت وايش قصتها؟ لكن الانمي مع الحلقة الاولى ومع الوقت يتغير ويصير انمي كوميدي. الانمي اقدر اقسمه على تلاته اجزاء، القسم الاول انمي كوميدي وممتع، وبالفعل كانت الحلقات الاولى حلوة ومسلية ما كانت تطفش، اتفرج واستمتع واضحك على الرغم من انه العالم بينتهي بعد مدة، ودا الشي الغريب انه محد خايف من دي النهاية. -- القسم التاني يتغير الوضع شويه، تظل الكوميديا موجودة وهي حلوة لكن ينضاف شي زيادة الي هو الغموض، يبدأ الانمي يطلع غموض وشخصيات غريبة فجأة وما نعرف ايش قصتها. -- القسم التالت وهو الأخير،...
قراءة المزيد

رأيي بلعبة Katana ZERO

-
صورة
لعبة "Katana ZERO" لعبة إيندي "من مطور مستقل " ومن نشر "Devolver Digital" نزلت April 18 2019 وهي متوفرة على الPC و Nintendo Switch وأنا لعبتها على الPC. اللعبة لقيتها بالصدفة صراحة ؛^؛ كنت طفشان وقلت خليني الفلف بستيم اشوف يمكن في العاب ممكن أجربها ولقيتها بالصدفة، ومن تاني يوم اشتريتها. سعر اللعبة 14.99$ ----- قصة اللعبة رهيبة في البداية لكن كل ما تتقدم كل ما تضيع وتصير مُتفرعة، أنت تلعب بشخصية قاتل مأجور أو ساموراي يتعاطى مخدرات تخليه يلعب بالوقت. الفكرة غريبة بس حلوة، وفي ربط للأحداث بين الأشياء الي تصير بالحاضر وماضي الشخصية الي تلعب بيها. اللعبة فيها حوارات وتقدر تختار بينها أو أنك تسكت الي قدامك وتقاطعه. في شخصيات كويسة باللعبة وبناء على اختياراتك معهم يتغير أسلوب كلامهم معك "دا الي لاحظته". ----- نجي لطريقة اللعب، السريعة والحماسية والرهيبة! اللعبة أكشن 2D بلاتفورمينق، من الأشياء الحلوة إنك تقدر تسوي كل الحركات. تضرب بالسيف حقك، تصد وتعكس الطلقات، ت...
قراءة المزيد

زر "الإنتساب" "Join" باليوتيوب وايش فايدته؟

-
صورة
آهلاً وسهلاً *^* مجدداً كنت فاضي وما عندي شي اسويه وبالصدفه وقبل فترة مو مره طويلة اليوتيوب -عندنا- أضاف ميزة جديدة باليوتيوب وهي كانت موجودة عند كم قناة اجنبية لكن اظن بدأت تنتشر لباقي القنوات شويه شويه. طيب ايش قصتها وهل هي مفيدة؟ هذا ما سنكتشفه الأن ؛^؛ -ربما-. -- زر الانتساب يطبع لك لما تكون داخل على قناة شخص مفعل دي الخاصية عنه، هي موجودة ولكن يمكن ما تشوفها عند البعض لانه ما فعلها لسه، عموماً يكون جنب زر الاشتراك يكون في مستطيل مكتوب عليه انتساب "Join" ولما تضغط عليه يمكن يطلع لك فيديو قصير كدا -من نفس البوتيوبر هو حاطه- ويشرح فيه الانتساب وايش ممكن تستفيد منه. إذا سمعت المقطع حقه -لو حاط هو مقطع- وقررت تنتسب، تختار نوع الانتساب الي تبغاه وتضغط بعدين على "join" وتطلع لك نافذة بطرق الدفع والدفع يكون ببطاقة الائتمان "Visa/Mastercard" تحط بيانات البطاقة وتدفع -الدفع بشكل شهري-. الانتساب دا هو تقريباً نوع من الدعم المادي لليوتيوبر الي تبغا تنتسب له -تقدر ترى تسوي انتساب لاكتر من واحد عادي- وهو انك تدفع مبلغ معين حسب الي حاطه...
قراءة المزيد