رأيي بلعبة Devil May Cry 5

-

بشكل عام كيف كانت Devil May Cry 5 ؟ أقل شي أقوله عنها هو إنها لعبة رهيبة مره.
اللعبة نزلت March 8 2019 على PS4, XBOX1, وPC وأنا لعبتها على الPC
بالنسبة للفانز فهم منتظرين دا الجزء من قبل 11 سنة -عن آخر جزء رئيسي- لكن أنا منتظرها من قبل يمكن أربع شهور ؛^؛ ودا لأن بصراحة جديد على السلسلة ولكن لعبت الاجزاء الي قبل وعجبتني وحبيتها مره. المهم~
-----
البداية يمكن تكون هادية شوية، لكن مع الوقت ومع المهمات بيزيد الحماس وتصير صدمات قوية. القصة حلوة مره، ومو مشكلة لو ما لعبت الأجزاء الي قبل لان في شاشة البداية في ضمن الخيارات الموجودة في خيار لملخص أحداث السلسلة يعني لو كنت ناسيها شويه
الشخصيات حلوة، نيرو رهيب، دانتي فخم، وV عجبني وكان مثير للإهتمام. والشخصيات الجانبية، كويسه، تريش وليدي ظهورهم قليل وما كان لهم دور كبير في القصة، ونيكو.. عجبتني، مدري كدا تعليقاتها تعجبني. والتمثيل الصوتي حلو، في ناس تقول إن التمثيل الصوتي مو مره ممتاز ومو كويس فبعض الشخصيات لكن أنا أشوفه حلو ما فيه شي.
-----
اللعب مره حلو، اللعبة تخليك تلعب بتلاتة شخصيات الي هم نيرو ودانتي و V.
اللعب بنيرو حلو، وعجبني أكتر واحد من ناحية اللعب. ودانتي عجبني اللعب بيه شويه، لكن يحتاج تعرف تسوي كومبو علشان تستمتع بيه وعنده حركات وأسلحة كتيرة فلعبك يتغير حسب الي تختاره. وV اللعب بيه شويه أبطئ منهم واللعب بيه أسهل، بس أرسل شياطينك وأوقف بعيد ؛^؛ سهل وكان إضافة حلوة بالنسبة للعبة.
أغلب المهمات تلعبها بنيرو لكن في بعض المهمات لدانتي وV وبعضها يخليك تختار بمين تلعب.
-----
في حاجات ما عجبتني وقت اللعب وهي الكاميرا، مدري ما احسها عملية
والتحكم شويه صعب ولازم تضغط أزرار كتيرة علشان تسوي كم حركة.
-----
باختصار
الإيجابيات:
قصة قوية وحماسية
شخصيات جميلة
لعب ممتع وحلو
السلبيات:
الكاميرا مزعجة
التحكم شويه صعب
-
لو كنت بقيمها -مع إني مو مقيم- ممكن أعطيها (8/10) أو (9/10) لعبة جميلة جداً ومن أفضل ألعاب السنة وأنصح الكل يلعبها سواء الجدد في السلسلة أو الفانز.

تعليقات

إرسال تعليق

المشاركات الشائعة من هذه المدونة

رأيي بأنمي Kamisama ni Natta Hi

-
صورة
  هيي هيي هييي~ عدت مجدداً☆ ومع انمي، حلو وقصير. الانمي دا نزل من فترة وهو خلص من فترة كمان لكن انا الي تكاسلت ما نزلت شي عنه ؛^؛ عرفت الانمي دا بطريقة تشبه الانمي الي قلت عنه قبل، شفته بسبب مترجم اتابعه بتويتر، تجاهلته في البداية لكن شفت له مدح من الناس فقلت اشيك عليه بنفسي. -- الانمي يعتبر قصير، مكون من 12 حلقة وقصته بشكل مختصر عن واحد ولد تطلع عنده بنت غريبة بملابس غريبة، تقول له بعدين انها اله وان العالم بينتهي بعد 30 يوم. -- انمي مع قصة زي كدا المفروض يخلي الوضع، توتر، كيف بينتهي العالم؟ مين دي البنت وايش قصتها؟ لكن الانمي مع الحلقة الاولى ومع الوقت يتغير ويصير انمي كوميدي. الانمي اقدر اقسمه على تلاته اجزاء، القسم الاول انمي كوميدي وممتع، وبالفعل كانت الحلقات الاولى حلوة ومسلية ما كانت تطفش، اتفرج واستمتع واضحك على الرغم من انه العالم بينتهي بعد مدة، ودا الشي الغريب انه محد خايف من دي النهاية. -- القسم التاني يتغير الوضع شويه، تظل الكوميديا موجودة وهي حلوة لكن ينضاف شي زيادة الي هو الغموض، يبدأ الانمي يطلع غموض وشخصيات غريبة فجأة وما نعرف ايش قصتها. -- القسم التالت وهو الأخير،...
قراءة المزيد

رأيي بلعبة Katana ZERO

-
صورة
لعبة "Katana ZERO" لعبة إيندي "من مطور مستقل " ومن نشر "Devolver Digital" نزلت April 18 2019 وهي متوفرة على الPC و Nintendo Switch وأنا لعبتها على الPC. اللعبة لقيتها بالصدفة صراحة ؛^؛ كنت طفشان وقلت خليني الفلف بستيم اشوف يمكن في العاب ممكن أجربها ولقيتها بالصدفة، ومن تاني يوم اشتريتها. سعر اللعبة 14.99$ ----- قصة اللعبة رهيبة في البداية لكن كل ما تتقدم كل ما تضيع وتصير مُتفرعة، أنت تلعب بشخصية قاتل مأجور أو ساموراي يتعاطى مخدرات تخليه يلعب بالوقت. الفكرة غريبة بس حلوة، وفي ربط للأحداث بين الأشياء الي تصير بالحاضر وماضي الشخصية الي تلعب بيها. اللعبة فيها حوارات وتقدر تختار بينها أو أنك تسكت الي قدامك وتقاطعه. في شخصيات كويسة باللعبة وبناء على اختياراتك معهم يتغير أسلوب كلامهم معك "دا الي لاحظته". ----- نجي لطريقة اللعب، السريعة والحماسية والرهيبة! اللعبة أكشن 2D بلاتفورمينق، من الأشياء الحلوة إنك تقدر تسوي كل الحركات. تضرب بالسيف حقك، تصد وتعكس الطلقات، ت...
قراءة المزيد

زر "الإنتساب" "Join" باليوتيوب وايش فايدته؟

-
صورة
آهلاً وسهلاً *^* مجدداً كنت فاضي وما عندي شي اسويه وبالصدفه وقبل فترة مو مره طويلة اليوتيوب -عندنا- أضاف ميزة جديدة باليوتيوب وهي كانت موجودة عند كم قناة اجنبية لكن اظن بدأت تنتشر لباقي القنوات شويه شويه. طيب ايش قصتها وهل هي مفيدة؟ هذا ما سنكتشفه الأن ؛^؛ -ربما-. -- زر الانتساب يطبع لك لما تكون داخل على قناة شخص مفعل دي الخاصية عنه، هي موجودة ولكن يمكن ما تشوفها عند البعض لانه ما فعلها لسه، عموماً يكون جنب زر الاشتراك يكون في مستطيل مكتوب عليه انتساب "Join" ولما تضغط عليه يمكن يطلع لك فيديو قصير كدا -من نفس البوتيوبر هو حاطه- ويشرح فيه الانتساب وايش ممكن تستفيد منه. إذا سمعت المقطع حقه -لو حاط هو مقطع- وقررت تنتسب، تختار نوع الانتساب الي تبغاه وتضغط بعدين على "join" وتطلع لك نافذة بطرق الدفع والدفع يكون ببطاقة الائتمان "Visa/Mastercard" تحط بيانات البطاقة وتدفع -الدفع بشكل شهري-. الانتساب دا هو تقريباً نوع من الدعم المادي لليوتيوبر الي تبغا تنتسب له -تقدر ترى تسوي انتساب لاكتر من واحد عادي- وهو انك تدفع مبلغ معين حسب الي حاطه...
قراءة المزيد